चितवन राष्ट्रिय निकुञ्जको दुधौरा क्षेत्रमा बिहीबार अन्दाजी २५-३० वर्षको भाले गैंडा मृत अवस्थामा फेला परेको छ।
उक्त भाले गैंडा अर्को भालेसँग जुधेर घाइते भई मरेको अनुमान गरिएको सूचना अधिकारी लोकेन्द्र अधिकारीले बताए।
यस आर्थिक वर्षको पहिलो हप्तामै चितवन निकुञ्जमा तीन वटा भाले गैंडाको मृत्यु भएको छ।
गत आइतबार निकुञ्जको हेटक्वाटर कसरानजिकै एउटा बच्चा र अमलटारी क्षेत्रमा अन्दाजी ३० वर्षको भाले गैंडा मृत अवस्थामा भेटिएका थिए। अन्दाजी दुई महिनाको भाले बच्चा गैंडाको बाघको आक्रमणबाट मृत्यु भएको थियो।
अमलटारी क्षेत्रको रतनपुरीघाट पारी नारायणी नदी किनारमा अर्को गैंडा मृत भेटिएको थियो। खाग र खुर सुरक्षित रहेको उक्त गैंडाको मृत्युको कारण खुलेको छैन।