काठमाडौंको चन्द्रागिरिस्थित गुर्जुधारामा ट्रकको ठक्करबाट एक महिलाको मृत्यु भएको छ।
चन्द्रागिरि नगरपालिका वडा नम्बर १२ मा बिहीबार साँझ साढे ५ बजे यातायात व्यवस्था कार्यालयनजिकै ट्रकले स्कुटरलाई ठक्कर दिँदा चालकको मृत्यु भएको महानगरीय प्रहरी वृत्त थानकोटले जनाएको छ।
ना८ख १९८९ नम्बरको ट्रक सतुङ्गलबाट थानकोट जाँदै गर्दा प्रदेश नम्बर ३ को ०२-००७ प ८४५ नम्बरको स्कुटरलाई ठक्कर दिएको थियो।
प्रहरीका अनुसार मृत्यु हुनेमा धादिङ ज्वालामुखी गाउँपालिका वडा नम्बर २ घर भई बलम्बु १२ हरियाली बस्ने ३१ वर्षीया जमुना कार्की छlन्। उनको सहिद मेमोरियल अस्पताल कलंकीमा उपचारको क्रममा मृत्यु भएको थियो।
प्रहरीले ट्रक चालक सुनसरीका युकलाल उराउलाई नियन्त्रणमा लिएको छ।
