चितवनमा माछा मार्ने क्रममा ह्युम पाइप भित्र पसेका पुरूष मृत भेटिएका छन्।
आइतबार दिउँसो भरतपुर महानगरपालिका वडा नम्बर ३ बाह्रघरेका ३५ वर्षीय लालबहादुर श्रेष्ठ मृत फेला परेको जिल्ला प्रहरी कर्यालय चितवनले जनाएको छ।
माछा मार्न गएका श्रेष्ठ बिहान साढे ९ बजे नारायणी किनाराको ढल निकासको लागि जमिनमुनि गाडेको ह्युम पाइपभित्र पसेका थिए।
पाइपभित्र पसेका उनी बाहिर ननिस्किएपछि प्रहरीको टोली खटिएको थियो। प्रहरी निरीक्षकको कमाण्डमा खटिएको १० जनाको टोलीले श्रेष्ठको शव फेला पारेको हो।
सडक कार्यालयको डोजरको सहयोगले शव निकालिएको थियो।
उनको शव पोष्टमार्टमको लागि जिल्ला अस्पताल भरतपुरमा पठाइएको छ।
