दार्चुलामा स्काभेटर दुर्घटना हुँदा चालकको मृत्यु भएको छ।
मृत्यु हुनेमा शैल्यशिखरको आग्रा बस्ने २८ वर्षीय विशन रावल रहेको प्रहरीले जनाएको छ।
जिल्ला प्रहरी कार्यालय दार्चुलाका प्रहरी निरीक्षक नरेन्द्र चन्दले अपिहिमाल गाउँपालिका –५ मकरीगाड तिङलास्थित कच्ची सडकखण्डमा मकरीगाड हाड्रोपावर कम्पनीको सुपप्र ०१०० क १६०४ नम्बरको स्काभेटर दुर्घटना हुँदा चालक रावलको मृत्यु भएको बताए।
उनी सडक सफा गर्ने क्रममा बुधबार साँझ चार बजे दुर्घटनामा परेर भाइते भएका थिए। उनको उपचारका लागि लटिनाथ स्वास्थ्य चौकी ल्याउदै गर्दा बाटोमै मृत्यु भएको प्रहरीले जनाएको छ।
