सल्यानबाट नेपालगञ्ज जाँदै गरेको बस दुर्घटनामा परेको छ।
मंगलबार बेलुका साढे ६ बजे रा १ ख २४३९ नम्बरको बस दुर्घटना हुँदा आठ जना यात्रु घाइते भएका छन्।
इलाका प्रहरी कार्यालय तुलसीपुरका प्रवक्ता तथा प्रहरी निरीक्षक झलक शर्माले बस तुलसीपुर उपमहागनरपालिका वडा नम्बर ३ स्थित शिरखोलामा दुर्घटना भएको जानकारी दिए।
दुर्घटनमा घाइते आठ जनाको उद्धार भइ सकेको छ। उनीहरूको उपचारका लागि तुलसीपुरस्थित राप्ती प्रादेशिक अस्पतालमा पठाइएको प्रहरी निरीक्षक शर्माले बताए।
सबै घाइतेको अवस्था खतरामुक्त रहेको शर्माले बताए।
बस सडकदेखि करिब ५० मिटर तल खसेको प्रहरीले जनाएको छ। चिप्लो र घुमाउरो सडक खण्डका कारण बस दुर्घटनामा परेको प्रहरी निरीक्षक शर्माले बताए।
