खसी चोरी गरेको आरोपमा मोरङबाट एक युवा पक्राउ परेका छन्।
पक्राउ पर्नेमा सुन्दर हरैंचा नगरपालिका-८ का २७ वर्षीय डम्बर कटुवाल छन्।
उनलाई खसी चोरी गरी डोर्याएर लैजाँदै गरेको अवस्थामा शुक्रबार २ बजे प्रहरीले पक्राउ गरेको इलाका प्रहरी कार्यालय बेलबारीका प्रहरी निरीक्षक सरोज खनालले बताए।
उनका अनुसार सोही नगरपालिकाको वडा नम्बर ४ का जीवन खड्काका दुई वटा खसी दिउँसो १ बजे हराएका थिए। खसी हराएपछि खड्काले प्रहरीलाई फोन गरे।
इलाका प्रहरी कार्यालय बेलबारीको टोलीले कटुवाललाई दुबै खसीसहित पक्राउ गरेको थियो।
पक्राउ परेका खड्कालाई हिरासतमा लिई चोरी मुद्दामा अनुसन्धान थालिएको प्रहरी निरीक्षक खनालले बताए।
