रामेछापको सुनकोशी नदी किनारमा एक जना पुरूषको शव फेला परेको छ।
बुधबार दिउँसो साढे ३ बजे खाँडादेवी गाउँपालिका वडा नम्बर ४ पुछिघाटस्थित सुनकोशी नदी किनारमा शव फेला परेको जिल्ला प्रहरी कार्यालय रामेछापले जानकारी दिएको छ।
उनको सनाखत हुन सकेको छैन। उनको उचाइ ५ फिट ३ इन्च छ।
प्रहरीका अनुसार ती पुरूष अन्दाजी ४०/४५ वर्षका छन्। उनको कम्मरमा नाम्लाले बाँधेको र माछा मार्ने फुर्लुङ भिरेको अवस्थामा शव फेला परेको थियो।
प्रहरीले थप अनुसन्धान गरिरहेको जिल्ला प्रहरी कार्यालयले जनाएको छ।
