प्रहरीले इलाममा श्रीमतीको हत्या गरेको आरोपमा एक जनालाई पक्राउ गरेको छ।
देउमाई नगरपालिका वडा नम्बर ४ चित्रेमा डेरा गरी बस्ने ४६ वर्षीया सुर्जामाया तामाङको हत्या भएको प्रहरीले जनकारी दिएको छ। उनीमाथि धारिलो हतियार दाउले प्रहार गरी हत्या गरेको आरोपमा प्रहरीले भोजपुरका ४५ वर्षीय ताकबहादुर तामाङलाई पक्राउ गरेको हो।
उनलाई शुक्रबार बिहान पक्राउ गरिएको नेपाल प्रहरीले जनाएको छ।
ताकबहादुरले आफ्नै श्रीमतीलाई दाउ प्रहार गरी हत्या गरेको भन्ने खबर पाएपछि ईलाका प्रहरी कार्यालय मंगलबारेबाट टोली खटिएको थियो।
प्रहरीले घटनास्थलबाट ताकबहादुरलाई हतियारसहित नियन्त्रणमा लिएको हो।
प्रहरीले घटना सम्बन्धी थप अनुसन्धान गरिरहेको छ।
