हुण्डी कारोबार गरेको आरोपमा एक जना पक्राउ परेका छन्।
पर्सा प्रहरीले वीरगञ्ज महानगरपालिका वडा नम्बर ६ का ३९ वर्षीय अमितकुमार गुप्तालाई शुक्रबार पक्राउ गरेको प्रहरी नायब उपरीक्षक ओम खनालले जानकारी दिए।
गुप्ताले अवैध वित्तीय कारोबार हुण्डी गरिरहेको भन्ने सूचना प्रहरीले पाएको थियो।
सोही सूचनाको आधारमा खटिएको टोलीले भारत रक्सौलबाट वीरगञ्ज बसपार्कतर्फ आउँदै गर्दा पक्राउ गरेको थियो।
प्रहरीले उनको मोटरसाइकल पनि नियन्त्रणमा लिएको छ।
