दाङमा खुँडा प्रहार गरी आफ्नै श्रीमतीको हत्या गरेको आरोपमा एक जना पक्राउ परेका छन्।
गढवा गाउँपालिका वडा नं. २ का ४० वर्षीय धनिराम चौधरीले ४३ वर्षीय श्रीमती सीता चौधरीलाई खुँडा प्रहार गरी हत्या गरेको जिल्ला प्रहरी प्रवक्ता डिएसपी मुकुन्दप्रशाद रिजालले सेतोपाटीलाई बताए।
‘आपसी विवादमा श्रीमानले श्रीमतीमाथि खुँडा प्रहार गरेको र लमही तर्फ उपचारका लागि ल्याउँदै गर्दा बाटामै मृत्यु भएको भन्ने छ,’ डिएसपी रिजालले भने।
बिहान पौने १० बजेतिर चौधरीले घरमै खुँडा प्रहरी गरी श्रीमतीलाई गम्भीर घाइते तुल्याएको र उपचारका लागि लमही अस्पताल ल्याउँदै गर्दा ११ बजेतिर बाटोमै मृत्यु भएको डिएसपी रिजाले जानकारी दिए।
खुँडा प्रहार गर्ने चौधरीलाई नियन्त्रण लिइएको प्रहरीले जानकारी दिएको छ ।
