मोरङ ग्रामथानमा टिपरले ठक्कर दिँदा मोटरसाइकल चालकको मृत्यु भएको छ।
प्रहरीका अनुसार टिपरले ठक्कर दिँदा सोही ठाउँका ३५ वर्षीय नरेश माझीको भएको हो।
शनिबार दिउँसो पौने १ बजे ग्रामथान-२ मा को१क ३३४५ नम्बरको टिपरले को२९प ४१७० नम्बरको मोटरसाइकललाई ठक्कर दिएको थियो।
ठक्करबाट गम्भी घाइते भएका मोटरसाइकल चालक माझीको न्युरो अस्पताल विराटनगरमा उपचारको क्रममा साढे १ बजे मृत्यु भएको जिल्ला प्रहरी कार्यालय मोरङले जनाएको छ।
टिपर र चालक सुनसरी बर्जु-५ का जयनारायण चौधरी प्रहरी नियन्त्रणमा छन्।
यसैगरी, झापा विर्तामोड-४ का २० वर्षीय सन्दीप अधिकारीको दुर्घटनाबाट मृत्यु भएको छ।
शनिबार दिउँसो साढे २ बजे विर्तामोड पारिजात टोलमा मे१त ७००५ नम्बरको ट्याक्टर बालुवा अनलोड गरिरहेको थियो। सो क्रममा ब्याक गरिरहेका बेला ट्याक्टरको डाला पल्टिँदा ट्याक्टरमा रहेका सहचालक अधिकारीको मृत्यु भएको जिल्ला प्रहरी कार्यालय झापाले जनाएको छ।
चालक सोही स्थानका अनिल खड्का नियन्त्रणमा रहेको प्रहरीले जनाएको छ।
