पर्साबाट एक जनालाई प्रहरीले पेस्तोलसहित पक्राउ गरेको छ।
पक्राउ पर्नेमा मकवानपुर मनहरी गाउँपालिका-५ का २५ वर्षीय राजु रानामगर रहेका छन्।
रक्सौलबाट वीरगञ्ज आउँदै गरेका उनको साथबाट सुनमिका लेखेको पेस्तोल र त्यसको दुई थान म्यागजिन बरामद भएको पर्सा प्रहरी प्रवक्ता प्रहरी नायब उपरीक्षक ओमप्रकाश खनालले बताए।
वीरगञ्ज-१६ शंकराचार्यस्थित गेटमा प्रहरी चौकी इनर्वाको टोलीले तलासी लिएको थियो। रानामगरलाई हिरासतमा लिएर प्रहरीले कारबाही थालेको छ।
