कञ्चनपुरमा श्रीमतीमाथि चक्कु प्रहार गर्ने श्रीमान पक्राउ परेका छन्।
पुनर्वास नगरपालिका वडा नम्बर ६ धौलागिरी टोल बस्ने ३० वर्षीय धनबहादुर सार्कीलाई श्रीमतीमाथि चक्कु प्रहार गरेको आरोपमा पक्राउ गरिएको प्रहरीले जनाएको छ।
सार्कीले २६ वर्षीया श्रीमती रुपा सार्कीमाथि ससुरालीमा चक्कु प्रहार गरेकोले पक्राउ गरिएको जिल्ला प्रहरी कार्यालय कञ्चनपुरका प्रहरी नायव उपरीक्षक अमर थापा क्षेत्रीले जानकारी दिए।
घरायसी विवाद हुँदा उनले चक्कु प्रहार गरेको प्रहरीले जनाएको छ। प्रहरीका अनुसार रुपाको सामान्य चोट भएकोले स्थानीय मेडिकलमा उपचार भइरहेको छ।
