दाङको तुलसीपुरको एउटा जंगलमा सडेगलेको अवस्थामा एक व्यक्तिको शव फेला परेको छ।
तुलसीपुर उपमहानगरपालिका वडा नं. १ मातगाउँस्थित सिसाखानी सामुदायिक वनभित्र सडे/ गलेको अवस्थामा अन्दाजी ५० वर्ष जस्तो देखिने एक पुरूष व्यक्तिको शव फेला परेको प्रहरीले जनाएको छ।
इलाका प्रहरी कार्यालय तुलसीपुरका प्रमुख डिएसपी शिवबहादुर सिंहका अनुसार उक्त शव आइतबार बेलुकी पख स्थानीयले देखेपछि प्रहरीलाई खबर गरेका थिए।
झन्डै तीन हप्ता अगाडि मृत्यु भएको जस्तो देखिने शव पोष्टमार्टमका लागि राप्ती प्रादेशिक अस्पतालमा ल्याइएको र हालसम्म कोही पनि आफन्त सम्पर्कमा नआएको डिएसपी सिंहले बताए।
घटनाबारे थप अनुसन्धान भइरहेको प्रहरीले जनाएको छ।
