सिरहामा एक युवाको विभत्स हत्या भएको छ।
जिल्लाको मिर्चैया नगरपालिका- ७ निवासी २८ वर्षीय शिवकुमार यादवको विभत्स रूपमा हत्या गरिएको सिरहा प्रहरीले जनाएको छ।
शनिबार बेलुका करिब आठ बजे घरबाट निस्किएका यादव आइबतार बिहान मृत अवस्थामा फेला परेको जिल्ला प्रहरी कार्यालय सिरहाका प्रहरी उपरीक्षक सुदीप राज भण्डारीले जानकारी दिए। विभत्स तरिकाले हत्या भएको अवस्थामा उनको शव भेटिए प्रहरीले जनाएको छ।
एसपी भण्डारीका अनुसार युवक यादवको शरीरको विभिन्न भाग काटिएको र टाउकोमा चोट देखिएको छ ।
यादवको शव मिर्चैया नपा वड़ा नम्बर १ स्थित पूर्वपश्चिम राजमार्ग छेउमा रहेको आँप बगैँचामा कङ्क्रिटले छोपिएको अवस्थामा भेटिएको थियो।
यादवको टाउकोमा धारिलो हतियार प्रहार गरी हत्या गरिएको प्रहरीले जनाएको छ ।
मृतकको शव पोस्टमार्टमका लागि लहानस्थित रामकुमार सारडा उमाप्रसाद मुरारका अस्पतालमा पठाइएको जिल्ला प्रहरी कार्यालय सिरहाका एसपी भण्डारीले सेतोपाटीलाई जानकारी गराए।
