महोत्तरीमा मोटरसाइकलले ठक्कर दिँदा एक जना पैदल यात्रुको मृत्यु भएको छ।
मृत्यु हुनेमा बर्दिबास नगरपालिका–३ गौरीडाँडाका ६६ वर्षीया भद्रामाया भुजेल छन्।
बर्दिबासबाट सिन्धुली जाँदै गरेको लु ५९ प ३७३५ नम्बरको मोटरसाइकलले भुजेललाई बाटो काट्ने क्रममा ठक्कर दिएको महोत्तरी प्रहरीले जनाएको छ।
उनलाई तत्काल स्थानीय अस्पतालमा भर्ना गरिएको थियो।
त्यहाँबाट उनको थप उपचारको लागि काठमाडौं लैजाने क्रममा बाटोमै मृत्यु भएको इलाका प्रहरी कार्यालय बर्दिबासका प्रहरी नायब उपरीक्षक (डिएसपी) वीरेन्द्र थापाले जानकारी दिए।
मोटरसाइकल चालक बर्दिबास–३ पाटुका २५ वर्षीय युवराज माझी र मोटरसाइकलमा सवार पुर्णिमा माझी घाइते छन्। घटना बारे थप अनुसन्धान भइरहेको प्रहरीले जनाएको छ।
