ताप्लेजुङको मेरिङदेन गाउँपालिका-३ स्थित दोभान बजारमा भीषण आगलागी भएको छ।
मंगलबार बिहान सवा ९ बजेदेखि बजारमा आगलागी भएको ताप्लेजुङका प्रमुख जिल्ला अधिकारी झरेन्द्रप्रसाद चापागाईले जानकारी दिए।
'हामीलाई आगलागी भएको भन्ने खबर आएको थियो। हामी पुग्न लागिसकेका छौं,' चापागाईले भने।
सुरूमा पाँच घर जलिरहेको भन्ने खबर आएको थियो। अहिले सो आगलागी बढ्ने क्रममा रहेको उनले बताए।
आगलागी नियन्त्रणमा लिन दमकल, प्रहरी तथा विभिन्न टोली खटाइएको चापागाईले बताए।
त्यस्तै फिदिममा पनि समन्वय गरी दमकल बोलाइएको उनले बताए।
