महानगरीय अपराध महाशाखाका प्रमुख प्रहरी वरिष्ठ उपरीक्षक (एसएसपी) दीपक थापाको सरूवा भएको छ।
सोमबार गृह मन्त्रालयले उनीसहित केही एसएसपीको सरूवा निकालेको गृह स्रोतले जानकारी दियो।
उनको सट्टामा एसएसपी चन्द्रकुबेर खापुङ महाशाखाका प्रमुख भएका हुन्।
उनीहरूको परस्पर काज सरुवा भएको बुझिएको छ। खापुङ भर्ना छनोट तथा निर्देशनालयमा थिए।
एसएसपी मधुसुदन लुइँटेलको प्रदेश १ बाट लुम्बिनी प्रदेश र हरिराज वाग्लेको प्रहरी प्रधान कार्यालय, कार्य विभागमा सरुवा भएको छ।
प्रहरी प्रवक्ता एसएसपी वसन्त कुँवरले चार जना प्रहरी वरिष्ठ उपरीक्षकहरूको सरुवा भएको जानकारी गृहबाट आएको बताए।
