धनुषाबाट प्रहरीले दुई थान नलकटुवा पेस्तोलसहित एक जनालाई पक्राउ गरेको छ।
पक्राउ पर्नेमा धनुषा लक्ष्मीनिया गाउँपालिका वडा नम्बर १ का १९ वर्षीय विवेक यादव छन्। यादवलाई जनकपुर–१९ बाट पक्राउ गरिएको प्रहरी उपरीक्षक प्रकाश रानाभाटले बताए।
शिवपुरबाट आपराधिक समूहका मानिसहरू जनकपुर आइरहेको भन्ने सूचनाका आधारमा प्रहरी टोलीले आकस्मिक चेकजाँच गर्दा पेस्तोलसहित यादव पक्राउ परेको रानाभाटले बताए।
यादव शंकास्पद रुपमा पैदल हिँडिरहेका थिए। यादवले पाइन्टको बेल्टले च्यापेर कम्रको दुबै भागमा पेस्तोल ल्याइरहेका थिए।
उनलाई हातहतियार तथा खरखजना मुद्दामा अनुसन्धान थालिएको प्रहरी उपरीक्षक रानाभाटले बताए।
