मकवानपुर प्रहरीले एकै दिनमा ३ जना फरार अभियुक्तलाई पक्राउ गरेको छ।
जिल्ला प्रहरी कार्यालय मकवानपुरले बुधबार लागु औषध मुद्दामा ९ वर्षदेखि फरार भएका हेटौडा १ का सुजित लामालाई पक्राउ गरेको हो।
अदालतबाट फरार भएका उनले नाम समेत फेरेर सुदिप राखेका थिए।
२०६८फागुन २९ गते जिल्ला अदालत मकवानपुरले उनलाइ १० महिना १७ दिन कैद तोको थियो। त्यस्तै जिल्ला अदालत मकवानपुरबाट २०७३ भदौै २५ गते लागु औषध मुद्दामा नै २ महिना कैद तोकिएका हेटौंडा १० का युनिक लामालाई पनि प्रहरीले पक्राउ गरेको छ।
ज्यान मार्ने उद्योगमा फरार भएका गोबिन्द तितुङलाई पक्राउ गरी जिल्ला अदालत मकवानपुरमा उपस्थित गराई कारागार कार्यालय भिमफेदी पठाइएको प्रहरीले जनाएको छ।
मकवानपुरमा नयाँ प्रहरी प्रमुख सोमेन्द्रसिंह राठौरले कार्यभार सम्हाले लगत्तै उनले फरार भएकाहरुको फाइल पल्टाएका हुन।
