बैतडीमा ट्रयाक्टर दुर्घटना हुँदा एक जनाको मृत्यु भएको छ।
दुर्घटनामा परी बझाङको बित्थडचीर गाउँपालिका–४ का ४० वर्षीय जीतबहादुर बोहराको घटनास्थलमै मृत्यु भएको हो। दुई जना घाइते भएका छन्।
ट्रयाक्टर चालक बझाङको बित्थडचीर गाउँपालिका–५ का ३२ वर्षीय नरेन्द्र महरा र ट्रयाक्टरमा सवार बित्थडचीर गाउँपालिका–४ कै २० वर्षीय कृष्ण बोहरा घाइते भएको जिल्ला प्रहरी कार्यालय बैतडीका प्रहरी नायब उपरीक्षक नारायण प्रसाद अधिकारीले जानकारी दिए।
घाइते दुवै जनालाई उपचारका लागि डडेल्धुरा अस्पताल पठाइएको प्रहरीले जनाएको छ।
सोमबार बिहान २ बजे धनगढीबाट बझाङतर्फ गइरहेको अनटेस्ट ट्रयाक्टर जयपृथ्वी राजमार्ग अन्तर्गत बैतडीको सिगास गाउँपालिका ९ बाँजपानीमा दुर्घटना भएको थियो।
ट्रयाक्टर सडकबाट करिब २ सय मिटर तल खसेको प्रहरीले जनाएको छ।
