प्रदेश २ मा कोरोना संक्रमितको संख्या ५ हजार नाघेको छ।
प्रदेश २ मा आज थप १ सय १७ जनामा कोरोना संक्रमण पुष्टि भएसँगै संख्या ५ हजार ६ सय ३१ पुगेको हो।
पछिल्लो २४ घण्टामा सबभन्दा बढी पर्सामा ४७ कोरोना संक्रमित भेटिएका छन्।
त्यस्तै सर्लाहीमा ३३, धनुषामा १६, महोत्तरीमा १४ र बारामा ७ जना कोरोनाका नयाँ संक्रमित थपिएको स्वास्थ्य निर्देशनालय प्रदेश २ का वरिष्ठ जनस्वास्थ्य प्रशासक विजय झाले जानकारी दिए ।
पर्साको वीरगंज महानगरपालिकामा वडा नं ३ देखि १६ सम्ममा ११ जना, वडा नं ४ श्रीपुरका ४ जना, वडा नं १० का ६ जना, बिन्दवासिनी गाउँपालिका वडा नं ३ का ३ जना, छिपहरमाई गाउँपालिका भिस्वाका २ जना, भौराटार हेल्थ पोस्टका ४ जना, भौराटारका ४ जना, बहुअरी पिरारीका ३ जना, बहुदरमाई नगरपालिकाका १ जना, आर्मी ब्यारेकका १ जना, बैरियाका २ जना, ने.रा.मा.वि. क्वारेन्टिनका ३ जना, गम्हरियाका १ जना, नारायणी अस्पतालको क्वार्टरका १ जना र ठाउँ नखुलेको १ जनामा कोरोना संक्रमण पुष्टि भएको वरिष्ठ जनस्वास्थ्य प्रशासक झाले बताए ।
त्यस्तै सर्लाहीको मलंगवा नगरपालिका पंचकुमारी ब्यारेकका १६ जना, खानेपानी तथा सरसफाई डिभिजनका १५ जना, लालबन्दी नगरपालिका ९ हाल औरही नगरपालिका १० का १ जनामा कोरोना संक्रमण पुष्टि भएको छ।
धनुषामा जनकपुरधाम उपमहानगरपालिकाका ४ जना, शहिदनगर नगरपालिकाको क्वारेन्टिनका ५ जना, मुखियापट्टीका १ जना, विदेह नगरपालिकाका १ जना, कमला नगरपालिकाका ३ जना र ठाउँ नखुलेका २ जनामा कोरोना संक्रमण पुष्टि भएको हो ।
महोत्तरीमा बर्दिबास नगरपालिकाका ११ जना, औरही नगरपालिकाका १ जना, लोहरपट्टी नगरपालिकाका १ जना र ठाउँ नखुलेको स्थानका १ जनामा कोरोना संक्रमण पुष्टि भएको झाले बताए ।
त्यस्तै बाराको विश्रामपुर हेल्थ पोष्टका १ जना, बहुअरी हेल्थ पोष्टका ३ जना, कलैया उपमहानगरपालिकाका १ जना, मनहरवाका १ जना र भलुही भरवलियाका १ जनामा कोरोना संक्रमण पुष्टि भएको छ ।
पछिल्लो २४ घण्टामा यस प्रदेशमा २ महिला सहित ३० जना निको भएर डिस्चार्ज भएका छन्। यो सँगै निको हुनेको संख्या ३ हजार ३ सय ३४ पुगेको छ। कोरोनाका कारण प्रदेश २ मा मृत्यु हुनेको संख्या २६ पुगेको प्रदेश २ को सामाजिक विकास मन्त्रालयले जनाएको छ ।
