बाँके राष्ट्रिय निकुञ्ज बाँकेका प्रमुख संरक्षण अधिकृत प्रमोद भट्टराई र सहायक संरक्षण अधिकृत बिष्णु रोकाय पक्राउ परेका छन्।
अख्तियार दूरूपयोग अनुसन्धान आयोगले स्रोत नखुलेको झन्डै ९ लाख रकमसहित उनीहरूलाई पक्राउ गरेको हो।
उनीहरूबाट साथबाट स्रोत नखुलेको तीन लाख ४८ हजार नगद र विभिन्न मितिको बैंक भौचरहरू रहेको पाँच लाख ५० हजार समेत गरि कुल आठ लाख ९८ हजार वरामद भएको अख्तियारका प्रवक्ता तारानाथ दाहालले जानकारी दिएका छन्।
निकुञ्जको बा २ झ १८७३ नम्वरको गाडीमा सवारी उनीहरूलाई अख्तियारको टोलीले सोमवार रुपन्देहीको सैनामैना नगरपालिका वडा नं. १० बाट पक्राउ गरेको प्रवक्ता दाहालले बताए।
सुराकीका आधारमा उनीहरूलाई पक्राउ गरिएको स्रोतले जानकारी दिएको छ।