प्रदेश २ को मुख्यमन्त्री कार्यालयका ६ जनासहित धनुषामा ३० जना कोरोना भाइरसका नयाँ संक्रमित थपिएका छन्।
जनकपुरधामको प्रादेशिक अस्पतालमा गरिएको परीक्षणको क्रममा मुख्यमन्त्री कार्यालयका एक जना अधिकृत, एक जना ट्राफिक प्रहरी, २ सवारी चालक र दुई जना कार्यालयकै अन्य कर्मचारी गरी ६ जनासहित ३० जनामा कोरोना भाइरसको संक्रमण पुष्टि भएको धनुषाका प्रमुख जिल्ला अधिकारी प्रेम प्रसाद भट्टराईले जानकारी दिए।
दुई दिनअघि गरिएको स्वाब संकलनको रिपोर्ट हिजो राति आएपछि उनीहरूमा संक्रमण पुष्टि भएको प्रजिअ भट्टराईले बताए।
संक्रमितहरू चिकित्सकहरूको सल्लाहमा घरमै सेल्फ क्वारेन्टिनमा बसिरहेका छन्।
संक्रमितहरूको सम्पर्कमा आएकाहरूको कन्ट्याक्ट ट्रेसिङको आधार पत्ता लगाउने काम भइरहेको प्रजिअ भट्टराईको भनाइ रहेको छ।
