'बुद्धको मूर्तिमा सुन छ' भन्दै ठगी गर्ने दुई जना पक्राउ परेका छन्।
प्रहरीले महोत्तरी, बर्दिबास नगरपालिका-८ का २१ वर्षीय अनिल बानियाँ र रामेछाप घर भई जोरपाटी बस्दै आएका ३७ वर्षीय बसन्त श्रेष्ठलाई पक्राउ गरेको छ।
उनीहरूलाई बुधबार काठमाडौं उपत्यकाको विभिन्न स्थानबाट पक्राउ गरेको महानगरीय अपराध महाशाखाका प्रवक्ता एसपी ईश्वर कार्कीले बताए।
उनीहरूले आफूसँग आधा किलो सुन भएको गौतम बुद्धको मूर्ति रहेको भन्दै २० लाखको मूल्य तोकेका थिए।
तर उनीहरूले झुक्याएर १४ लाख रुपैयाँ लिएर फरार भए।
प्रहरीले उनीहरूबाट एक लाख ९५ हजार रूपैयाँ पनि बरामद गरेको छ।
उनीहरूमाथि थप अनुसन्धान गर्न महाशाखाले महानगरीय प्रहरी परिसर, काठमाडौंमा पठाएको छ।
