विराटनगरस्थित कोसी अस्पतालका दुई जना स्वास्थ्यकर्मीमा कोरोना संक्रमण पुष्टि भएपछि अस्पतालले आफ्नो ओपिडी सेवा बन्द गरेको छ।
अस्तपालका मेडिकल सुपरिटेन्डेन्ट डा. चुमनलाल दासले ओपिडी इञ्चार्जसहित दुई जना स्वास्थ्यकर्मीमा संक्रमण देखिएपछि अर्को सूचना जारी नभइन्जेल बाहिरंग सेवा बन्द गरिएको जानकारी दिए।
'ओपिडीमा कार्यरत दुई जना स्वास्थ्यकर्मीमा संक्रमण देखिएपछि डिसइन्फेक्ट गर्नलाई सेवा बन्द गरेका हौं। साथै ट्रेसिङ गरेर अन्य स्वास्थ्यकर्मीको पनि स्वाब संकलन गरेका छौं। अब रिपोर्ट कस्तो आउँछ त्यही अनुसार सेवा सुचारू गर्छौं,' उनले भने।
संक्रमित दुई जनामध्ये एक महिला र एक पुरूष छन्।
यसअघि पनि अस्पतालका एक जना चिकित्सक र एक जना नर्सिङ स्टाफलाई संक्रमण पुष्टि भएको थियो।