महानगरीय ट्राफिक प्रहरी महाशाखाले तीनकुनेमा वृक्षाराेपण गरेको छ।
आइतबार महानगरीय प्रहरी कार्यालयका प्रमुख प्रहरी नायव महानिरीक्षक विश्वराज पोखरेलले फूलको बिरुवा रोपेर बृक्षारोपण कार्यक्रमको उद्घाटन गरे।
ट्राफिक प्रहरीको उपत्यकाभित्रका ४५ युनिटका इञ्चाजले करिब ३ सय ५० वटा विरुवा रोपेका हुन्।
ट्राफिक युनिटका प्रमुखहरुले आफै विरुवा लगेर रोपेका थिए। विरुवा नहुर्किदासम्म प्रत्येक युनिटका इञ्चार्जले संरक्षण गर्ने र हुर्काउनेगरी काम गर्ने महानगरीय ट्राफिक महाशाखा प्रमुख भीम प्रसाद ढकालले बताए।
रोपेको बिरुवालाई ट्राफिक प्रहरीले नै रेखदेख गर्नेछ।
अमला, वेगमवेली, तेजपत्ता, रिठ्ठा, धुपी, पारिजात, कपुर, रातकी रानी, कामिनी, किम्बु, चाँप, चाइनिज गुलाव, समी, मेन्टोगेटा, एभोगाडो, हेमनकस, आरू जस्ता ३५० बढी विरूवा तीनकुनेमा रोपिएको ट्राफिक प्रहरीले जनाएको छ।