गोरखा जिल्ला अस्पताल गोरखाको आइसोलेसनमा उपचाररत पालुङटार नगरपालिका वडा नम्बर ७ का ४४ वर्षीय पुरूषको मृत्यु भएको छ।
उनलाई शुक्रबार राती करिब १० बजे अस्पतालको आइसोलेसनमा लगिएको थियो। आइसोलेसनमा राखेको करिब सात घण्टामै उनको मृत्यु भएको हो।
कोरोना संक्रमित ती पुरूषको शनिबार विहान ५ बजेर ५ मिनेटमा मृत्यु भएको गोरखा अस्पतालका निमित्त मेडिकल सुपरिटेण्डेन्ट नविन थापाले जानकारी दिए।
ती पुरूष मधुमेहका बिरामी पनि थिए। उनी गत बुधबार कतारबाट घर फर्किएका थिए। उनलाई जीवनज्योती माध्यमिक विद्यालयको क्वारेन्टिनमा राखिएकोमा अवस्था जटिल भएपछि गोरखा अस्पतालको आइसोलेसनमा पुर्याइएको थियो। क्वारेन्टिनमा रहँदा ती पुरूषमा खोकी लाग्नेजस्ता लक्षण देखिएका थिए।
नेपालमा कोरोना संक्रमणबाट ३३ जनाको मृत्यु भइसकेको छ। अहिलेसम्म कोरोनाका १५ हजार दुई सय ५९ जना संक्रमित छन्। छ हजार एक सय ४३ जना कोरोना निको भएर घर फर्किएका छन्।
हेर्नुस् विज्ञप्ति:
