संदिग्ध इस्लामी लडाकुहरूले सोमबार उत्तरपूर्वी कंगोको एक गाउँमा आक्रमण गर्दा कम्तिमा १७ जना मारिएका छन्।
एक स्थानीय नागरिक समाजका नेता र अनुगमन संस्थाका अनुसार उक्त हिंसा पछिल्लो हमलाको विरोधमा भएको हिंसा हो।
स्थानीय समय अनुसार बिहान ५ बजेतिर आक्रमण भएको हो।
इस्लामिक स्टेट समूहसँग सहबद्धता भएको दाबी गर्ने अलाइड डेमोक्र्याटिक फोर्से (एडीएफ) ले बुनिया शहरको १०० किलोमिटर दक्षिण पश्चिममा पर्ने इटुरी प्रान्तको मकुतानो गाउँमा आक्रमण गरेको इरुमु क्षेत्रका नागरिक समाज नेता गिलि गोताबोले रोयटर्सलाई बताए।
उनका अनुसार तिनीहरूले हावामा धेरै गोली चलाए। मान्छेहरु भागाभाग भएपछि तिनीहरुले केही मान्छेलाई समातेर मसाटिस काटिदिए। मसाटिस तरवार जस्तै एउटा धारिलो हतियार हो।
यस क्षेत्रबारे बुझ्दै आएको किवु सुरक्षा ट्र्याकर (केएसटी)ले उक्त आक्रमणमा १७ जना मारिएको पुष्टि भएको छ।
यद्यपि गोताबोका अनुसार यो संख्या बढी हुनसक्ने अनुमान छ।
स्थानीय अधिकारीहरूले भने यसबारे कुनै टिप्पणी दिन अस्वीकार गरेका छन्।
गत वर्ष सेनाले युगान्डन सिमानाको छेउछाउमा बसोबास गर्ने एडीएफलाई त्यहाँबाट निकाल्ने अभियान सुरू गरेको थियो। त्यसपछि गत वर्षको अक्टोबरदेखि एडीएफले सयौं मानिसहरूको हत्या गरिसकेका छन्। यो लडाईंले इबोला महामारीको अन्त्य गर्ने प्रयासमा बाधा पनि पुर्याएको छ।
केएसटीका अनुसार पछिल्लो दुई महिना तुलनात्मकरूपमा शान्ति थियो। तर यस क्षेत्रमा पछिल्लो तीन हप्तामा भने एडीएफको हिंसात्मक आक्रमणमा वृद्धि देखिएको छ।
'हिसां किन वृद्धि भइरहेको छ भन्ने पूर्ण रूपमा स्पष्ट छैन। तर एडिएफ कुनै पनि बिन्दुबाट भत्किएको छैन भन्ने स्पष्ट छ।'