पश्चिम नवलपरासीमा १३ वर्षीया बालिकाको गाडिसकेको शवलाई प्रहरीले निकालेको छ।
बालिकाको हत्या भएको आशंकामा जिल्ला प्रहरी कार्यालय परासीले सोमबार सुस्ता गाउँपालिका-३ बाट गाडिसकेको शवलाई निकालेको हो।
'विष सेवन गरेर आत्महत्या गरेको र अस्पताल लग्दा मृत घोषणा गरेपछि गाड्न लगेको भनेर बुवाले बयान दिएका छन्,'डिएसपी वीरेन्द्र थापाले भने,'तर हामीलाई शंका लागेपछि शवलाई निकालेका हौं।'
प्रहरीले हत्याको आशंकामा बालिकाकी बाबु, आमा, दाजु र एक छिमेकीलाई नियन्त्रणमा लिएको छ।
किशोरीको शव पोष्टमर्टमको लागि जिल्ला अस्पताल परासीमा पठाएको डिएसपी थापाले बताए।
'शव पोष्टमार्टम गर्न पठाइसकेका छौं,'उनले भने।
परिवारले बालिकाको शव सोमबार गाड्न लगेको थियो।
