भारतीय दूतावास अगाडिबाट कृष्ण पहाडी लगायत २२ अधिकारवादी पक्राउ परेका छन्।
लिपुलेकमा भारतले गरेको सडकविस्तरको विरोधमा प्रदर्शन गर्ने २२ जना अधिकारकर्मीलाई प्रहरीले नियन्त्रणमा लिएको हो।
‘हामीले विभिन्न ठाउँबाट अधिकारकर्मी, अभियान्ताहरूलाई नियन्त्रणमा लिएका छौं,’ महानगरीय प्रहरी परिसरका डिएसपी सुधिर शाहीले भने।
लिपुलेकमा भारतले गरेको सडकविस्तारको विरोधमा निस्केका कुल ४५ जनालाई प्रहरीले काठमाडौंका विभिन्न स्थानबाट पक्राउ गरिसकेको छ। उनीहरूलाई प्रहरीले माइतीघर, कंलकी र लैनचौरबाट नियन्त्रणमा लिएको हो।
यसअघि सोमबार पनि प्रहरीले प्रदर्शनीमा निस्केका विद्यार्थी तथा नेताहरुलाई पक्राउ गरेको थियो।
