इरानको दक्षिणपश्चिम क्षेत्रमा रहेको महसहर विमानस्थलमा १३५ यात्रु बोकेको विमान रनवेबाट चिप्लिएर हाइवेमा पुगेको छ।
सोमबार क्यास्पियन एयरलाइन्सको विमान आवतरण गर्ने बेला रनवेबाट चिप्लिएर हाइवेसम्म पुगेको हो। यो दुर्घटनापछि सबैको सकुशल उद्दार गरिएको इरानका स्थानीय मिडियाले जनाएका छन्।
विमानमा १३५ जना यात्रु र सात चालक दल सदस्य रहेको बताइए पनि पुष्टी नभइसकेको रोयटर्सले समाचारमा उल्लेख गरेको छ। केही प्राविधिक समस्यका कारण विमान अवतरण गर्न ढिला भएको थियो।
पाइलटले विमान अवतरण गर्ने बेला गियर चलाउन नसकेको इरानी मिडियाले बताएका छन्। यस घटनाबारे थप अनुसन्धान भइरहेको रोयटर्सले जनाएको छ।
