अपहरण, शरीर बन्धक तथा कर्तव्य ज्यान मुद्दाका फरार अभियुक्तलाई पर्सा प्रहरीले पक्राउ गरेको छ।
वीरगन्ज महानगरपालिका २७ का ४५ वर्षीय विक्रम यादवलाई पक्राउ गरिएको प्रहरीले जनाएको छ। उनले २०६५ साल भदौ २० गते स्थानीय पन्नालाल साह सोनारलाई अपहरण गर्ने क्रममा उनकी श्रीमती देवमति देवीलाई गोली हानी हत्या गरेका थिए।
आफ्ना पतीलाई अपहरण गरेपछि देवमती प्रतिवादमा उत्रिएकी थिइन्। प्रतिवादमा उत्रिएपछि देवमतीलाई यादवले गोली हानेका थिए।
घटना भएको ११ वर्षपछि सोही गाउँमा आएर लुकेका बेला प्रहरीले उनलाई पक्राउ गरेको एसपी सोमेन्द्रसिंह राठौरले जानकारी दिए।