पूर्वबलिउड अभिनेत्री जाइरा वासिममाथि दुर्व्यवहार गर्ने ४१ वर्षीय एक व्यक्तिलाई तीन वर्ष जेल सजाय सुनाइएको छ।
बुधबार मुम्बई जिल्ला अदालतले जाइरामाथि दुर्व्यवहार गर्ने विकास सचदेवलाई तीन वर्ष जेल सजाय सुनाएको हो।
सचदेवले अभिनेत्री वासिम दिल्लीबाट मुम्बईको उडानका क्रममा अर्धनिद्राका बेला दुर्व्यवहार गरेको आरोप लगाएकी थिइन्। १७ वर्षको हुँदा वासिममाथि सचदेवले दुर्व्यवहार गरेका थिए।
उनले आफूमाथि भएको दुर्व्यवहार सबै भिडिओमा कैद गरेकी थिइन् तर सचदेवको अनुहार राम्ररी देखिएको थिएन।
उक्त भिडिओ इन्स्टाग्राममा भाइरल समेत भएको थियो।
उजुरीपछि सचदेवलाई प्रहरीले पक्राउ गरेको थियो।
वासिमले सन् २०१६ मा आमिर खानको सिनेमा दंगलमा गीता फोगटका रूपमा अभिनय गरेकी थिइन्। त्यसको लागि उनले राष्ट्रिय बाल अवार्ड समेत पाएकी थिइन्।
साथै सन् २०१७ मा सिक्रेट सुपरस्टारमा गायिकाको अभिनय गरेकी थिइन्।
कामका कारण धर्ममा असर हुने देखिएपछि वासिमले सन् २०१९ मा बलिउडबाट सन्यास लिएकी थिइन्।
