इलाका प्रहरी कार्यालय बनेपाले बनेपाका मोबाइल पसलमा छापा मारेको छ।
राजस्व छलेर मोबाइल ल्याएको आंशकामा २ वटा पसलमा छापा मार्दा झण्डै ३०वटा मोबाइल बरामद गरिएको प्रहरी निरीक्षक योगेन्द्र तिमल्सिनाले जानकारी दिए।
बनेपाको एमजिआइ सेन्टर र ब्रदर्स मोबाइल सेन्टरमा छापा मार्दा ३० मोबाइल बरामद भएको उनले बताए।
आइफोन, सामसुङ, एसस, भिभो, ओप्पो, एमआइ रियलमी लगायतका मोबाइल प्रहरीले बरामद भएको हो।
उनीहरुले अवैध रुपमा भन्सार छलेर मोबाइल ल्याएको प्रहरी निरीक्षक तिमल्सिनाले बताए।