दिलिपकुमार महतोको हत्या गरिएको विरोधमा स्थानीयले विरोध र्याली निकालेका छन्। नदी उत्खननको विरोध गर्दै आएका महतोको गत शुक्रबार हत्या गरिएको थियो।
दोषीलाई कारबाही गर, अवैध बालुवा गिट्टी उत्खनन बन्द गर, मृतक दिलिपलाई राष्ट्रिय पर्यावरण शहीद घोषण गर सहितका माग गर्दै दिलिपका परिवारजन तथा स्थानीयहरुले र्याली निकालेका हुन्। बिहान निकालिएको विरोध र्यालीले मिथिला नगरपालिकाको विभिन्न भागको परिक्रमा गर्दै नगरपालिकाको कार्यालयसम्म पुगेको थियो।
शुक्रबार बिहान करिब ४ बजेको समयमा साथी रोशन यादवले नदी उत्खनन गरिरहेको भन्ने खबर दिएपछि रोशनसँगै दिलिप टिपर समात्न खोलामा पुगेका थिए।
दिलिपलाई कोखमा फलामको लिभरले प्रहार गरी घाइते बनाईएको थियो। घाइते भएपछि खोलामा सुताएर उनीमाथि टिपर चलाई निर्ममतापूवर्क हत्या गरिएको प्रहरी अनुसन्धानमा खुलेको छ।
हत्या आरोपमा क्रसर सञ्चालक विपिन्नकुमार महतो सहित ४ जनालाई समातेर धनुषा प्रहरीले मुद्दा समेत चलाइसकेको छ।
यी पनि हेर्नुहोस्
दिलीप महतो हत्या प्रकरण: कोखामा छेडेर घाइते बनाएपछि टिपरले किचेर हत्या
दिलिपको हत्या आरोपमा पक्राउ परे क्रसर मालिक विपिन
तीन दिनअघि क्रसर सञ्चालकबाट ज्यान मार्ने धम्की, आज टिपरले किचेर ‘हत्या’
