धनुषाको क्षिरेश्वरनाथ नगरपालिका-५ महेन्द्रनगर बजारमा बम विस्फोटमा परी मृत्यु भएका प्रहरी निरीक्षक अमिर कुमार दाहालको अन्त्येष्टि पशुपतिमा गरिने भएको छ।
‘उनको शवलाई हेलिकप्टरबाट काठमाडौं ल्याइँदै छ’, प्रहरी स्रोतले भन्यो,‘आजै पशुपति आर्यघाटमा अन्त्येष्टि गरिनेछ।’
शुक्रबार राति भएको बम विस्फोटमा घाइते बनेका प्रहरी निरीक्षक दाहालको उपचारका क्रममा आज बिहान निधन भएको थियो।
बम विस्फोटमा परी स्थानीय ४६ वर्षका राजेश्वर साह र उनका अन्दाजी २४ वर्षका छोरा आनन्द साहको घटनास्थलमै मृत्यु भएको थियो।
साहको घरबाहिर पोलमा शंकास्पद वस्तु रहेको जानकारी पाएको प्रहरी निरीक्षक अमिर कुमार दाहाल नेतृत्वको इलाका प्रहरी कार्यालय महेन्द्रनगरबाट गएको टोलीले उपस्थित भीड हटाउँदै गर्दा विष्फोट भएको बताइएको छ।