उपराष्ट्रपति नन्दबहादुर पुनले प्रधानमन्त्री केपीशर्मा ओलीलाई भेटेका छन्।
९ दिनको अस्पताल बसाईपछि बिहिबार बालुवाटार फर्किएका प्रधानमन्त्री ओलीलाई भेट्न उपराष्ट्रपति पुन बालुवाटार गएका हुन्। उपराष्ट्रपति पुनले प्रधानमन्त्री ओलीको स्वास्थ्य लाभको कामना गरेर फर्किएका थिए।
मनमोहन कार्डियोथोरासिक भास्कुलर तथा ट्रान्सप्लान्ट केन्द्रमा रहँदा प्रधानमन्त्री ओलीलाई परिवारका सदस्य, सचिवालय र सल्लाहाकार समूहका सदस्य बाहेक राष्ट्रपति विधादेवी भण्डारी र नेकपा अध्यक्ष पुष्पकमल दाहालले मात्रै भेटेका थिए।
उपराष्ट्रपति पुनलाई प्रधानमन्त्रीले भेट दिए पनि अन्य कुनै राजनीतिक भेटघाट भने नगरेको र दिनभरि नै आराम गरेको सचिवालयले जनाएको छ।