गृहमन्त्री रामबहादुर थापाले नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका सर्लाही जिल्ला इन्चार्ज कुमार पौडेल प्रहरीसँगको मुठभेडमा मारिएको दाबी गरेका छन्। सिंहदरबारमा सोमबार बसेको संसदको राज्य व्यवस्था समितिको मन्त्री थापाले पौडेल प्रहरीसँगको मुठभेडमा मारिएको बताए।
मन्त्री थापाले मोटरसाइकलमा आएका व्यक्तिले प्रहरीमाथि फायर गरेपछि प्रहरीले गोली चलाउँदा उनी मारिएको प्रष्ट पारे। पौडेल यही असार ५ गते सर्लाहीको वडा नम्बर १ लखनदेहीस्थित जंगलमा मारिएका थिए।
घटनास्थलबाट रिभल्वर एक थान, कटुवा पेस्तोल एक थान र तीनमा लाग्ने गोली ६ थान बरामद भएको उनले बताए।
मानव अधिकार आयोगले नेत्रविक्रम चन्द (विप्लव) समूहका सर्लाही जिल्ला ईञ्चार्ज कुमार पौडेलको हत्या भएकोमा अनुसन्धान सुरू गरेको छ।
गृहमन्त्री थापाले पनि पौडेल घटनाको छानविन गर्ने प्रतिबद्धता जनाएका छन् । राज्यव्यवस्था समितिको बैठकमा नेकपाका सांसद जनार्दन शर्माले मृतक पौडेलको हात भाँचिएको भन्दै छानबिन गर्न माग गरेका थिए।
यो पनि
काठमाडौंबाट विशेष ब्युरोको टिम नै गएको थियो विप्लवका सर्लाही इन्चार्ज खोज्न
