पोखरा महानगरपालिकाको लेखनाथमा रहेको एनसेलको टावरमा आगजनी भएको छ।
पोखरा २७ चन्द्रकालिका डाँडामा रहेको एनसेलको टावरमा शुक्रबार अज्ञात व्यक्तिले आगजनी गरेको प्रहरीले बताएको छ।
राति करिब साढे १० बजेतिर भएको आगलागीका कारण एनसेलको टावरमा पूर्ण क्षति भएको छ।
टावर डाँडामा रहेकाले दमकल आउँदा आउँदै टावर जलेर ध्वस्त भएको हो।
प्रहरीको टोलीले आगलागी भएको बारेमा थप अनुसन्धान अगाडि बढाएको जनाएको छ।