वीर अस्पतालको निर्माणाधीन भवनको सामान बोक्ने लिफ्ट (होइस्ट) चुडिँदा २ जनाको ज्यान गएको छ।
वीरको छेउमै निर्माण भइरहेको ९ तले सर्जिकल भवनको लिफ्ट बिहीबार साँझ चुडिएको थियो। उक्त भवनमा अहिले छैठौं तलाको निर्माण जारी छ।
घटनामा परी दुई मजदुरको ज्यान गएको र एक जना गम्भीर घाइते भएको प्रहरीले जनाएको छ। मृत्यु हुनेमा सप्तरीका नवीन चौधरी र भूमिकुमार चौधरी रहेका छन् । घाइतेको ट्रमा सेन्टरमा उपचार भइरहेको छ।
के कारणले लिफ्ट चुँडियो भन्ने खुल्न सकेको छैन।
