नुवाकोटको दुप्चेश्वर गाउँपालिकामा भएको मिनिट्रक दुर्घटना परी ज्यान गुमाउनेको संख्या १६ पुगेको छ।
जिल्ला प्रहरी कार्यालय नुवाकोटका अनुसार साँझ ८ बजेसम्म १६ जनाको मृत शरीर भेटिएको हो।
नुवाकोटको दुप्चेश्वर गाउँपालिकाको घ्याङफेदीमा शुक्रबार भएको दूर्घटनामा परी २५ जना घाइते भएका छन्।
नुवाकोटका प्रमुख जिल्ला अधिकारी उद्धवबहादुर थापाका अनुसार ४० जना यात्रु सवार उक्त गाडीमा ठूलो संख्यामा यात्रुहरु हताहत भएको हुनसक्छ।
तामाङ समुदायको साँस्कृतिक पर्व मनाएर फर्किदै नुवाकोटको सिसिपु जाँदै गरेको मिनिट्रक घ्याङडाँडाको भीरबाट करिब ४ सय मिटर तल खसेको जिल्ला प्रहरी कार्यालय नुवाकोटका डिएसपी भीम भट्टराईले जानकारी दिए।
प्रहरीले केहीलाई उद्दार गरी उपचारका लागि अस्पताल पठाएको छ। उद्दार कार्य जारी रहेकाले घाइते र मृतककको संख्या यकिन नभएको डीएसपी भट्टराईले जानकारी दिए।
दुर्घटनास्थल पुग्न सदरमुकाम विदुरदेखि साढे ३ घण्टाको दूरीमा छ।