अख्तियार दुरुपयोग अनुसन्धान आयोगले जिल्ला प्रहरी कार्यालय बारामा कार्यरत प्रहरी हवल्दार सुदामा हजराविरूद्ध विशेष अदालतमा मुद्दा दायर गरेको छ।
पान मसलाजन्य पदार्थको व्यवसाय सञ्चालन गर्न सहज गराइ दिने बहानामा प्रहरी हवल्दार हजराले रु एक लाख घुस लिँदालिँदै आयोगको टोलीले केही दिन पहिले पक्राउ गरेको थियो।
आयोगले बिगो असुल गरी हदैसम्मको कारबाहीको माग गर्दै आज मुद्दा दायर गरेको आयोगका प्रवक्ता रामेश्वर दङ्गालले जानकारी दिए।