सुर्खेतमा यात्रुवाहक बस दुर्घटना हुँदा २ को मृत्यु र ५० घाइते भएका छन्।
मृत्यु हुनेमा लेकबेंशी–८ गन्नेपानीकी जानकी दर्लामी र लेकवेसी नगरपालिका वडा नम्बर ८ देउमाया बनकाठी रहेको प्रहरीले जनाएको छ।
कर्णाली प्रदेशको राजधानी वीरेन्द्रनगर, कटकुवामा भएको दुर्घटनामा ५० घाइते भएका छन् जसमध्ये १२ को अवस्था गम्भीर छ।
वनभोज खाएर फर्कदै गरेको भे१ख ८५९ नम्बरको बस कपासे नजिकै मोडमा साँझ साढे ५ बजे दुर्घटनामा परेको हो।
दुर्घटनाका घाइतेलाई उद्धार गरी अस्पताल पठाइएको र उनीहरुको वीरेन्द्रनगरस्थित प्रदेश अस्पताल कालागाउँ, माया नर्सिङ होम तथा देउती असपतालमा उपचार भइरहेको प्रहरी उपरिक्षक वसन्त रजौरेले बताए ।
जनजागृति युवा क्लब लेकबेंशी–८ गन्नेपानीको वनभोज टोली दुर्घटनामा परेको हो ।