प्रहरीले चितवनका दुई जुवा अखडाबाट २३ जना व्यक्तिलाई बिहीबार बिहान राति पक्राउ गरेको छ।
चितवन प्रहरीका प्रवक्ता प्रहरी नायब उपरीक्षक दुर्गाराज रेग्मीका अनुसार भरतपुर–१६ बाट १९ जना र वडा नम्बर १५ बाट चार जनालाई पक्राउ गरिएको हो। वडा नम्बर १६ को अखडाबाट १ लाख ४९ हजार ६८५ र १५ बाट ३ लाख ६ हजार ३६५ नगद तथा कौडा बरामद भएको रेग्मीले बताए।
विशेष सुराकीको आधारमा राति प्रहरी अखडामा छापा मार्न पुगेको थियो। पक्राउ परेकाविरूद्ध जुवा ऐन अन्तर्गत कारबाही थालिएको रेग्मीले बताए।
