महोत्तरीमा आठ महिने बालिकाको हत्या गरी फरार रहेका व्यक्तिलाई सुनसरीबाट प्रहरीले पक्राउ गरेको छ। सप्तरीबाट सुनसरी जाने क्रममा महोत्तरी साबिक हात्तीसार गाविस १ का ३६ वर्षीय भरत साहलाई प्रहरीले कोसी ब्यारेजबाट शनिबार पक्राउ गरेको हो।
गत भदौमा महोत्तरी औराही–१ का आठ महिने बालिका हत्या गरी फरार उनलाई चेकजाँचका क्रममा कोसी ब्यारेज क्षेत्रबाट पक्राउ गरिएको सुनसरीका प्रहरी उपरीक्षक राजन अधिकारीले बताए। उनलाई दिउँसो १ बजे पक्राउ गरिएको अधिकारीले बताए।
आठ महिने शिशु हत्या गरी भारत भागेका उनलाई प्रहरीले उच्च खोजी सूचीमा राखेको थियो।
पक्राउ परेका साहलाई थप अनुसन्धानका लागि जिल्ला प्रहरी कार्यालय इनरुवाको हिरासतमा राखिएको छ।
