जिल्ला प्रशासन कार्यालय चितवनले राति ९ बजेपछि मदिरा विक्री वितरणमा रोक लगाएको छ।
जिल्ला प्रशासन कार्यालयले सूचना जारी गर्दै अनुमति प्राप्त पसलले मात्र मदिरा विक्री गर्न पाउने जनाएको छ।
विजयादशमीलाई लक्षित गरी प्रशासनले सूचना जारी गरेको हो। प्रशासकीय अधिकृत रामचन्द्र ढकालद्वारा जारी गरिएको विज्ञप्तिमा चाडपर्वलाई अनुशासित तरिकाले मनाउनका लागि आग्रह गरिएको छ।
लोकमार्गका होटलबाहेक अन्य होटल राति १० बजेपछि बन्द हुनुका साथै मनोरञ्जनात्मक कार्यक्रम पनि १० बजेपछि बन्द गर्नुपर्ने स्थानीय प्रशासनले जनाएको छ। जुवातास र कौडा खेल्ने, खेलाउनेलाई कडा कारबाही गरिने पनि विज्ञप्तिमा उल्लेख छ।
विज्ञप्तिमा भनिएको छ,‘विशेष चाडपर्व सुरक्षा योजनाअनुसार जिल्लाका सबै स्थानमा नेपाल प्रहरी र सशस्त्र प्रहरीको पहुँच विस्तार गरिएको छ।’
