घरमै बनाएको स्वच्छ खाना उपभोग गराउने उद्देश्यले पाल्पा स्थित रैनादेवी छहरा गाउँपालिकाभित्रका सबै बाल विकास केन्द्रका विद्यार्थीलाई टिफिनबक्स उपलब्ध गराइएको छ ।
उक्त गाउँपालिका भित्र ५१ बाल विकास केन्द्रका ६७३ बालबालिकालाई टिफिनबक्समा खाजा ल्याउन सहज होस् भन्ने उद्देश्यले टिफिनबक्स वितरण गरिएको गाउँपालिका प्रवक्ता विष्णु पोखरेलले बताए।
घरबाट खाजा बोकेर ल्याउँदा सफा र ताजा हुनाका साथै खाजाका किन्ने पैसा बचत हुने भएकाले तीन लाख खर्चेर टिफिनबक्स वितरण गरिएको गाउँपालिका प्रवक्ता विष्णु पोखरेलले जानकारी दिएका हुन् ।
तयारी खाजा सेवन निषेध गर्ने लक्ष्यका साथ घरमा पकाएको खाजा विद्यार्थीले ल्याउन भन्ने उद्देश्यले टिफिनबक्स वितरण गरिएको स्रोत व्यक्ति झलक रायमाझीले जानकारी दिए ।
टिपिनबक्समा दैनिक खाजा ल्याएर खान पाएपछि बालबालिकासमेत खुशी भएका छन् ।
गाउँपालिकाले प्रत्येक वडाका एक-एक बाल विकास केन्द्रलाई खेल सामग्री पनि वितरण गरेको उहाँले बताए ।
-1746009348.jpg)
