प्रहरीले योङ कम्युनिष्ट लिग वाइसएलका सिन्धुली जिल्ला अध्यक्ष पुष्पराज श्रेठलाई पक्राउ गरेको छ।
महानगरीय अपराध अनुसन्धान महाशाखाको टोलीले उनलाई धाकधम्की तथा शरिर वन्धकको अभियोगमा नियन्त्रणमा लिएको महाशाखा प्रमुख एसएसपी धिरजप्रताव सिंहले जानकारी दिएका छन्।
सिन्धुली, कमलामाई-५,मारिन घर भइ हाल रातोपुल बस्दै आएका श्रेष्ठले रामबहादुर कटुवाललाई ज्यान मार्ने धम्की दिएका थिए।
श्रेष्ठले आफ्नो घर निर्माणको लागि कटुवाललाई ठेक्का दिएको र घर निर्माणपछि रकम माग्दा धम्की दिएको प्रहरी अनुसन्धानमा खुल्न आएको छ।
त्यस्तै श्रेष्ठले २०७३ पुस ४ गते अर्का एक व्यक्तिलाई बन्धक बनाएर रकम लुटेका थिए। उनले गणेश कुमार कुँवरलाई बोलाएर बन्धक बनाइ रकम लुटेको खुल्न आएको प्रहरीले जनाएको छ।
श्रेष्ठले कुँवरलाई आफ्ना साथी शुक्रराज तामाङको डेरामा लगेर ५० हजार नगद रुपैयाँ, सुनको औठी, मोबाइल लुटेर कुलबहादुर तामाङको नाममा ११ लाख रुपैयाँको चेक पनि काट्न लगाएको प्रहरीले दाबी गरेको छ।