पूर्वराजदूत केशव झाको हत्याबारे अनुसन्धान गर्न नियन्त्रणमा लिएका तीनजना विरुद्ध अदालतबाट ५ दिनको म्याद थप भएको छ।
मंगलबार काठमाडौं जिल्ला अदालतले पक्राउ परेकालाई थप पाँच दिन थुनामा राखेर अनुसन्धान गर्न म्याद थप भएको महानगरीय प्रहरी परिसर काठमाडौंका डिएसपी मोहनकुमार थापाले सेतोपाटीलाई बताए।
सोमबार बिहान बबरमहलस्थित निवासमा झा मृत अवस्थामा फेला परेका थिए।
प्रारम्भिक अनुसन्धानबाट छुरा प्रहार गरी हत्या भएको अनुमान प्रहरीले लगाएको छ।
सोमबार नै प्रहरीले घटनाबारे छानबिन गर्न झाकै घरमा काम गर्ने तीन कामदारलाई पक्राउ गरेको थियो। उनीहरुलाई पोलिग्राफ टेष्ट गर्ने प्रहरीले तयारी गरिरहेको छ।
